दोन कोटींच्या अमली पदार्थांच्या म्होरक्याला हैद्राबाद विमानतळावर अटक
बाहेर देशात पळून जात असतांना केली मानपाडा पोलीसांनी केली कारवाई
कलम भूमी, कल्याण प्रतिनिधी,
कल्याण : मानपाडा पोलीसांनी डाउन टाउन, खोणी पलावा परिसरात २.१२ करोड रूपयांचे १.९३ किलो मेफेड्रॉन (एमडी) अंमली पदार्थ मिळुन आलेल्या दाखल गुन्हयातील मुख्य फरार आरोपी बाहेरील देशात पळुन जात असताना राजीव गांधी आंतरराष्ट्रीय विमानतळ, हैद्राबाद येथुन अटक करण्यात आली आहे.मानपाडा पोलीस ठाणे येथे दाखल गुन्हयात दोन पुरूष आरोपी असिल जाबर सुर्वे वय - २६ वर्षे आणि मोहम्मद इसा मोहम्मद हनीस कुरेशी व एक महीला आरोपी मेहेर फातिमा रिजवान देवजानी या तीन आरोपींना यापुर्वी अटक करण्यात आली होती. या गुन्हयातील मुख्य आरापी मोहम्मद रहिम सलीम शेख उर्फ फरहान हा गुन्हा दाखल झाल्यापासुन फरार होता. २९ जून रोजी या गुन्हयातील मुख्य आरापी मोहम्मद रहिम सलीम शेख उर्फ फरान हा बाहेरील देशात पळुन जात असताना त्याला राजीव गांधी आंतरराष्ट्रीय विमानतळ, हैद्राबाद येथे ताब्यात घेवुन अटक करण्यात आली असुन त्यास न्यायालयात हजर केले असता त्याला ७ जुलै पर्यंत पोलीस कोठडी सुनावली आहे मोहम्मद शेख हा वेगवेगळ्या देशात जात असल्याची माहीती मिळत असुन त्याच्या विरूध्द मुंब्रा पोलीस ठाणे येथे गुन्हा दाखल आहे. हि कामगिरी पोलीस उप आयुक्त अतुल, सहाय्यक पोलीस आयुक्त सुहास हेमाडे यांच्या मार्गदर्शनाखाली वरिष्ठ पोलीस निरीक्षक संदिपान शिंदे, पोलीस निरीक्षक राम चोपडे, सपोनि कलगोंडा पाटील, संपत फडोळ, महेश राळेभात, सागर चव्हाण, पोशि मिननाथ बडे, किशोर दिघे यांच्या पथकाने केली आहे.
