ब्रेकिंग न्यूज | भिवंडी क्राईम ब्रांचचा जबरदस्त धडाका
४७ दुचाकी चोरीचे गुन्हे उघड – ४८ वाहने जप्त, १०.६० लाखांचा मुद्देमाल हस्तगत
सराईत चोरांना बेड्या; पोलिसांची कर्तव्यदक्षता पुन्हा अधोरेखित
कलम भूमी,भिवंडी प्रतिनिधी
भिवंडी : ठाणे शहर पोलीस गुन्हे शाखा घटक-२ ने पुन्हा एकदा आपल्या कर्तव्यदक्षतेचा ठसा उमटवत दुचाकी चोरीच्या टोळीवर मोठा प्रहार केला आहे. अत्यंत नियोजनबद्ध कारवाई करत पोलिसांनी ४७ गुन्ह्यांचा पर्दाफाश करत ४८ मोटरसायकल/स्कूटर जप्त केल्या असून, सुमारे १०.६० लाख रुपयांचा मुद्देमाल हस्तगत केला आहे.
गुप्त माहितीवर अचूक कारवाई
गुन्हे शाखेच्या पथकाला मिळालेल्या खात्रीशीर माहितीच्या आधारे सापळा रचण्यात आला. या धाडसी कारवाईत दोन सराईत आरोपींना अटक करण्यात आली:
गणेश उर्फ गणा राजू मोरे (२९)
सैफअली उर्फ छोटा सुलतान अली शेख (१९)
कसून चौकशीत त्यांनी अनेक दुचाकी चोरी केल्याची कबुली दिली.
पोलीसांची कर्तव्यदक्षता ठळकपणे समोर
नायपोली, भिवंडी शहर, शांतिनगर, निजामपूर, वाज्रेश्वरी, बदलापूर, वर्तकनगर आदी विविध पोलीस ठाण्यांतील गुन्ह्यांची उकल करण्यात पोलिसांना यश आले.
ही कारवाई केवळ गुन्हे उघड करण्यापुरती मर्यादित नसून, पोलीस अधिकारी व कर्मचाऱ्यांची तत्परता, तपास कौशल्य आणि कर्तव्यनिष्ठा यांचे उत्कृष्ट उदाहरण ठरली आहे.
चोरट्यांवर पोलिसांचा वचक वाढला
या मोठ्या कारवाईमुळे वाहनचोरी करणाऱ्या गुन्हेगारांमध्ये भीतीचे वातावरण निर्माण झाले असून, नागरिकांमध्ये सुरक्षिततेची भावना अधिक दृढ झाली आहे.
नागरिकांना आवाहन
पोलीस प्रशासनाने नागरिकांना सतर्क राहण्याचे आवाहन करत वाहन सुरक्षित ठिकाणी पार्क करण्याचे व संशयास्पद हालचाली त्वरित कळवण्याचे सांगितले आहे.
गुन्हेगार कितीही चलाख असले तरी कायद्याच्या कचाट्यातून सुटू शकत नाहीत" – भिवंडी क्राईम ब्रांचने पुन्हा एकदा सिद्ध केले,
